E enganjonan di Davelaar

Esaki ta e anotashon riba Facebook di SMOC: “E enganjonan di Davelaar”

Riba Facebook di Norbert George tin un análisis hopi bon relashona ku e enganjonan di Davelaar.

SMOC ta pone e parti 2 aserka: mas enjano di Davelaar.

Davelaar tokante di preshon Hulandes pa sera Isla: ”Raportnan Internashonal di refinería di e tipo manera Korsou tin tambe a wordu husa pa mustra e kantidad di morto”.

E raport ku e kantidad di morto na korsou (18 pa aña) a wordu kalkula ta Ecorys-NEI. E investigashon ku Ecorys-NEI a hasi ta den aña 2005 pa nv di gobiernu Refinería di Korsou, pa e supuestamente estudionan strategiko di orientashon na e refinería. E raport ta meldu tambe banda di tur e optionnan pa sera of sigi i e gastunan relashona ku esaki ku e danjo di salú di e refinería ta kosta 28 millon florin pa aña i ku e kantidad di kasonan di morto muchu trempan tin un mínimo di diesocho pa aña. E raport a wordu husa dor di tur dos partido den e kasonan di hustisia di SMOC, ‘Humanitaire Zorg’ i habitantenan di bario kontra e ‘Bestuurscollege’ i e refinería i e ‘rechters in eerste aanleg’ i ‘hoger beroep’ tambe a husa e raport pa tuma nan desishonan.

Davelaar tokante nos propio mashin di midi: “Esaki tambe a duna un posiblidad pa e hurdo di e refinería, e kompanía di ‘staatsolie’ Venezolano PdVSA, tene nan mes na e normanan di milieu manera ta poni den e lease kontrakt”.

Semper Davelaar tabata tin midinan meskos ku tur su antesesornan, esunan di Isla/PdVSA mes. E normanan pa milieu den pasado a wordu surpasa i ketubai ta wordu surpasa seriamente, pero no tabata tin ni ahinda no tin kontrol. SMOC a palabra esaki tambe ku Davelaar i a dune tur e informashonan; nunka e no a hasi nada ku esaki. I pesey nos tin ku keda lamenta un mínimo di 18 morto pa aña.

Davelaar ta bisa ku entre 2008 i 2010 e refinería semper tabata riba agenda di e prome ‘staatssecretaris’  Ank Bijleveld-Schouten na su bishitanan na Korsou. E tabata sa bon di tur e trajektonan ku Korsou tabata tuma.

Esaki no tabata e kaso, e tabata wordu ganja, esaki tabata bini na kla den tur e konbersashonan ku e tabata tin tambe ku SMOC.  SMOC a dune e informashonnan korekto, i esakinan a resulta den moshon i akshonan menasante. Dikón? Paso Davelaar i su antesesornan no a hasi net nada na e problema di milieu.

Davelaar tokante di e indignashon di hulanda pa e skandal di milieu di Isla: “Mi a bisa Ineke van Gent ku nan tin ku wak e normanan di milieu na hulanda ku ta wordu surpasa i stop di entremeté ku Korsou”.

Kua, meneer Davelaar? Na Hulanda tin mantenshon, na Korsou no. SMOC a duna tur e informashonnan di esaki na Davelaar.

Segun Davelaar “hopi hende na Korsou no sa kon grandi e grondvervuiling ta ront di e area na Waaigat i na e zeebodem na zuidkust”.

Motibu: gobiernu ku tin e raportnan ku e kosnan aki aden no ta publika esaki i tampoko no ta informa hendenan na Korsou. E estudio di TNO 2007  ta raporta e vervuiling aki ku Davelaar ta menshona. E estudio aki a keda un aña largu den e lachi di Davelaar te ku Amigoe a publika i Davelaar a hanje ta reakshona.

Ku Davelaar no ta wak e opshon di sera ta relashona ku e no sa e berdatnan. Un biaha ku mi a puntre den un reunión oficial riba 10 di mei 2010 kuantu e ta kere ku e kontribushon ekonómiko ta den Isla, e la kontesta 25% di e BNP. Mi a informe ku sigun un raport di DEZ ta 8% i sigun nos ta 5%. E la hari i no por a kere. Mi a promete e ora ku mi lo mande e informashon i a hasi esaki na e siguiente manera:

“Adhunto tambe bo ta hanja e pida di SEI, kaminda riba pagina 33 prome liña tin un kalkulashon di e kontribushon total ku Isla tin na ekonomía ku ta e 8% ku ma nombra kalkula dor di ‘Dienst Economische Zaken’. Ta trata aki di informashon for di Economic Outlook DEZ di 2007. Den e kaso di hustisia SMOC kontra BC di eilandgebied Curacao den 2007 tambe nan a husa un “Memo de macro-economische effecten van sluiting van de Raffinaderij Isla”  traha dor di AJZ i DEZ, kaminda e porcentahe aki ta konfirma: “BNA ta kalkula e ‘toegevoegde waarde’ na mas o menos Naf. 350,- millón. E impakto di e refenería ta wordu kalkula pa mas o menos 8% di e BBP”.

Saludos kordial,

Peter van Leeuwen

Presidente SMOC

Reacties zijn gesloten