WILLEMSTAD – Denter di kuater siman  Gobièrnu di Kòrsou por eskrito mester eksigí di  Refineria Isla pa stòp violashon di normanan di medio ambiente ku ta stipulá den e ordenansa di molèster. Ademas gobièrnu mester kontrolá Refineria Isla ta kumpli ku e instrukshon aki. Asina wes a dikta ayera.

Den kaso ku no kumpli ku e veredikto di wes, tin un multa ku por alkansá 50 mion florin.

Ku e veredikto aki ta pone un fin temporal na e konflikto largu entre organisashonnan di medio ambiente SMOC i gobièrnu di Kòrsou. E konflikto aki a kuminsá na aña 2005.

SMOC a eksigí pa gobièrnu tene su mes na e normanan stipulá den e ordenansa di molèster.

Sinembargo, gobièrnu a asumí e posishon ku Isla no ta violá e lei di molèster i ku tin asuntu di mantené na e lei.

Pa medio di su veredikto, wes awor ta pasa un strepi diki den e posishon aki.

No tin nada ku a demostrá ku gobièrnu por sostené su posishon, segun wes Boerlage.

‘Fayo’
Segun e veredikto ku ta konsistí di 34 página, ta resultá ku durante último seis aña Refineria Isla strukturalmente a violá e normanan di medio ambiente. Ademas gobièrnu a faya pa mantené e lei di molèster.

Entre otro e wes ta indiká, ku na tres okashon gobièrnu a keda sin evaluá e pèrmit, pa por a ehekutá mehorashon pa medio ambiente.

Tambe gobièrnu a keda sin organisá un struktura di konsulta entre di  Isla i Servisio di Medio Ambiente.

Pa e motibu aki i debí na falta di mantenshon, gobièrnu a hasi e trabou di Servisio di Medio Ambiente imposibel.

Mas aleu e wes ta indiká ku Isla tabata lat ku mèldumentu dje insidente di puiru dia 2 di yüni na  Julianadorp. I tambe ku gobièrnu no a hasi na e situashon aki. Ademas despues dje insidente di puiru no a midi, miéntras ku esei mester a tuma lugá, konforme stipulashon dje pèrmit.

“Gobièrnu mester tabatin atenshon pa e situashon aki, pero el a faya den esaki”, segun wes.

Viktoria moral

“Pa nos e veredikto ta un viktoria moral i polítiko”, asina  e presidente di SMOC, Peter van Leeuwen a deklará. “Awor ta pone pretu riba blanku tur kos ku ta robes na Isla i gobièrnu no por ignorá esaki mas”.

“Ademas: si tin un hende mester tene kuenta ku e veredikto aki, ta  minister Piet Hein Donner. Pasobra  el a insistí ku gobièrnu di Kòrsou ta atendé korektamente ku Isla”.

But mionario

Denter di kuater siman, gobièrnu mester publiká e karta-skirbí- na papiamentu i ulandes, den kua e ta eksigí Isla pa tene su mes na normanan di medio ambiente.

Ademas e wes a dikta, ku si gobièrnu no aktua korektamente, korte mes lo por aktua.

“Esaki ta un viktoria históriko pa MOC i un  bèrgwensa pa gobièrnu”, segun Van Leeuwen.

Gobièrnu tin seis siman pa apelá kontra dje veredikto.