Estimado Komishon di Nashon Uní pa Derechi di Mucha,
Den nòmber di Fundashon Medio Ambiente Limpi na Kòrsou (SMOC) mi ke djis informá bo ku e e-mail akí, nada mas.
Kòrsou ta un isla tropikal ku ta forma parti di Reino Hulandes. Pa turista Kòrsou tin hopi bentaha, manera solo ku ref di koral. Desafortunadamente, tambe tin un refineria di krudo. E refineria akí ta saka toneladanan di materia venenu ku habitante ku ta biba pegá na e refineria ta inhalá, inkluso mas o ménos 6.000 alumno i 19 skol. Danki na bientu di pasat, e habitantenan di e pober bario akí kada santu dia ta inhalá e materianan venenoso akí, dia aden dia afó, anto for di dia nan a nase, e refineria a kuminsá funshoná na 1918. Eco-RYS, un kompania hulandes konosí ku ta hasi investigashon, a investigá kuantu polushon e refineria akí ta kousa. Anto Eco-RYS a hasi e investigashon akí riba petishon di gobièrnu di Kòrsou. E investigashon a konkluí ku e aktividatnan venenoso ta kousa morto prematuro di por lo ménos 18 hende pa aña. Banda di e mortonan prematuro akí, míles di hende ta sufri di vários keho di salú. Un investigashon di gobièrnu na 2007 a mustra ku 85% di e habitantenan tin miedu, tin keho i ke bishitá dòkter òf muda. SMOC ta lucha kontra e refineria i kontra gobièrnu ku ta tolerá e polushon akí (sin stroba nada nada den su pèrmitnan) i hopi biaha SMOC a bai korte anto ku éksito. Nos a gana hopi kaso! Hues a dikta sentensia na e aktividatnan venenoso referiendo na derecho humano, por ehèmpel e Konvenshon riba Derecho di Mucha (art. 24). Hues a disidí loke nos a sospechá hopi aña kaba: derecho di mucha ta den pèrtá, violá, pasobra simplemente e muchanan no tin un medio ambiente limpi ku nan por biba i bai skol aden. Hopi biaha pa aña tin ku evakuá skolnan, lagando míles di mucha sin un lugá adekuá pa haña edukashon. Ta un gran bèrgwensa ku ta meresé atenshon internashonal.
Mi ta spera di haña kontesta,
Atentamente,
Arjan Linthorst (Miembro di Direktiva, SMOC)
