WILLEMSTAD – E kaso di apelashon entre e organisashon di medio ambiente SMOC i gobièrnu di Kòrsou a tuma lugá djaluna meinta 2 di aprel.

Riba promé di sèptèmber wes a disidí ku gobièrnu mester pèrkurá pa e refineria tene su mes na e reglanan di pèrmit. Segun SMOC gobièrnu no a kumpli i e organisashon di medio ambiente a apelá. Gobièrnu di su banda a bisa ku ‘e konklushonnan a kohe nan fo’i base i ku nan mester di tempu pa investigá e situashon’.

Segun abogado Sandra In t Veld, ku a tene e defensá na nòmber di fundashon SMOC ‘no tin niun interes mas di protehá i mester deklará Isla i minister Constancia di Salubridat Públiko i Medio Ambiente no reseptivo den e apelashon’.

Ademas In ‘t Veld a menta diferente ehèmpel kaminda ta sali na kla ku habitantenan di Kòrsou tin hopi molèster di e emishon di Isla.

Den e kaso den korte di promé di sèptèmber, wes a disidí ku si gobièrnu no kontené Isla den kuater siman, gobièrnu mester paga e fundashon un but di 50 mil florin. E but por sigui subi te un máksimo di 50 mion florin.

Sentensia di e apelashon di djaluna 2 di aprel ta aki ocho siman.