Isla i ministerio di salubridat, medio ambiente i naturalesa (GMN) ta kooperá! Nan a bari, limpia, drecha Kenepa Grandi, segun vários korant. Hòmbu, Isla no ta nada malu. Nan ta invertí nos florin fuerte den nos komunidat. Un aktividat asina no ta nada partikular, anto p’esei Isla asta ta risibí un ‘Solo di Oro’ di Radio Hoyer, pa invershon regular den ‘aktividat soshal.’
Ami lo athudiká otronan éksito i un muestra di mérito, pasobra mané e ta awó huma di sakrifisio i otorgamentu ta molestiá mi bista i olfato. Si tin un órgano den nos pais ku no ta niun tiki sosial, ta Isla. Regularmente Isla ta surpasá norma di dióksido di suafel ku World Health Organization (WHO) a marka, i ora e molèster ta bira berdaderamente di mas, ku alumno i dosente ku ta saka, skolnan ta wòrdu fòrsá di sera porta. Es mas. Basá riba un relato di Eco-RYS for di 2005, Isla ta mata anualmente 18 hende, si no ta mas, i nan ta kousa míles di hende pa apelá na èkstra gastu di kuido. Aparte di e bòshi di plaka ku ta mará na esaki ku pais Kòrsou tin ku paga, nos no por yama esaki ‘aktividat soshal’ ètòl. Pero kiko nos minister di salubridat, señor Whiteman, ta hasi? En bes di lembe Isla un wanta moralmente i hurídikamente, e ta kooperá ku Isla drechando un boka. Wèl, miéntras abo ta landa dushi na Kenepa Grandi, habitante di Wishi/Marchena ta guli mas pilchi òf nan ta djòdjò riba kustia di Lamuèrtè. Awor sí mi ke sa den nòmber di pas kiko ta e grupo di sanger di nos minister di GMN, i alabes dòkter, señor Whiteman.

Drs. Arjan Linthorst (miembro di direktiva di SMOC)