WILLEMSTAD – Greentown ke kumpra Refineria Isla pa 1 florin. Ta e mesun suma ku Kòrsou a paga Shell pa tuma e refineria na 1985. Esaki ta pará den un ‘Memorandum of Understanding’ (MoU) ku Greentown a ofresé na gobièrnu.
Greentown ta proponé pa kumpra e refineria e aña aki mes. Nan ke desmantelá e refineria i desaroyá aktividatnan ekonómiko nobo riba tereno di Isla. E organisashon ta garantisá den su plannan ku niun hende lo pèrdè su trabou.
