Notisia360: ‘Hulanda ku pregunta riba emishon rèkòrt di ‘zwaveldioxide’’

DEN HAAG/Hulanda – E miembronan di parlamentu hulandes, Bram van Ojik (GroenLinks) i Wassila Hachchi (D66) a hasi pregunta na minister Ronald Plassterk tokante kimamentu di ‘zwavelijzer’ na refineria Isla. Asina Stichting Schoon Milieu Op Curaçao (SMOC) a duna di konosé.

Dia 31 di yanüari último e stashon di midimentu na Kas Chikitu a registrá un emishon hopi haltu di ‘zwaveldioxide’ (SO2) den nos airu di kasi 1700 mikrogram pa meter kúbiko

Segun gerente di medio ambiente i seguridat di refineria Isla, Henny Cornelia, e emishon haltu di ‘zwaveldioxide’ a keda okashoná dor di un kandela ku a surgi siman pasá n’e sitio kaminda refineria Isla ta depositá su desperdisionan.

“E kandela a kuminsá den un mondi entre Nijlweg i refineria i a pega un par di barí ku ‘zwavelijzer’ den dje na kandela”. Banda di e barínan ku ‘zwavelijzer’ tabatin tambe suafel den tera ku a kima i bai den airu. Esaki a okashoná u pik no usual den e emishon di ‘zwaveldioxide’.

E miembronan di ‘Tweede Kamer’ ta haña ku refineria Isla ta malu pa medio ambiente i komo tal mester sera esaki mas pronto posibel. Van Ojik i Hachchi ke sa si Plasterk ta dispuesto pa laga hasi un investigashon riba e lokual a pasa na Kòrsou.

Bron: Notisia360 (7 februari 2014)

Reacties zijn gesloten