Pa:

Su ekselensia señor Drs. B. Koenders

Apartado 20061

2500 EB Den Haag

CC: Vaste Commissie voor Buitenlandse Zaken (Tweede Kamer der Staten-Generaal)
Vaste Commissie voor Europese Zaken (Tweede Kamer der Staten-Generaal)

Fecha: 26 di òktober 2014

Asuntu: refineria Isla (for di aki, Isla) i geopolítika 

Apresiabel señor Koenders,

Promo ku tur koe bos ta felisitá bo ku bo nombramentu resten kom minister di asuntu eksterior. Fundashon Schoon Milieu Op Curaçao (for di aki, SMOC) tin tur konfiansa ku bo lo ta un bon defensor i protektor di interes geopolítiko di Reino Hulandes, i p’esei nos ta pidi bo atenshon pa lo siguiente.

Bòikòt i Rusia

Miranda notisha di e último dianan e problemanan relashoná ku Isla talbes a haña un dimenshon nobo for di un perspektiva geopolítiko: Rusia.^[1] Manera bo sa Curaçao ta un pais denter di Reino Hulandes, pero e kartera di asuntu eksteroog ta responsabilidat di gobièrnu di reino. Reino Hulanjdes ta apoyá e biòkòt ekonómiko pa ku Rusia. Pues, Curaçao tambe? Òf Curaçao , konforme statüt di Reino Hulandes, tin mag di nenga e biòkòt akí pa motibunan ekonómiko?

Reino Hulandes ta forma parti di union oropeo (EU), den esaki Curaçao tin un asina yamá státus di LGO. EU ta apoyá e bòikòt pa ku Rusia. Pues, Curaçao tambe?

Denter di poko krudo di Rusia, primeramente komo tèst, lo wòrdu importá i prosesá na Curaçao, es desir den Reino Hulandes. SMOC ta puntra si e importashon i prosesamentu di krudo for di Rusia, na refineria Isla na Curaçao ku PDVSA di Venezuela ta hür di gobièrnu, ta kuadra ku e bòikòt i e reglanan mará na esaki den i pa Reino Hulandes. Gustosamente nos ta lesa bo reakshon riba esaki.

Reino Hulandes i Nashonnan Uní

For di “Richtlijnen voor de Koninkrijksdelegatie naar de 69^e sessie van de Algemene Vergadering van de Verenigde Naties” d.d. 8 di sèptember 2014 ta sali na kla ku bo tin, na nòmber di gobièrnu di Reino, e vishon geopolítiko ku Aruba, St Maarten i Curaçao ta pertenesé na e kategoria small island development states (SIDS).^[2] Ademas ta atmití ku SIDSnan konosé sirkunstanshanan speshal, manera menasa di eksistensha kousá pa kambio di klima. Un pilá importante den diskushon geoplítiko tokante kambio di klima ta e ekspulshon di karbondióksido  (CO2). Bo ta konsiente ku Curaçao, ku Isla komo usadó grandi di energia, ta forma parti di e top dies mundial pa loke ta trata ekspulshon di CO2/capita?^[3] Den ki medida bo ta haña e vishon geopolítiko di gobièrnu di Reino ta kuadra ku su mes aktuashon?

Tambe bo ta duna balor na desaroyo duradero, ku bo geopolítika bo ke para agotamentu di rekursonan natural i bo ke garantisá -konforme Union Oropeo- maneho pa stimula biodiversidat. SMOC ta haña ku gobièrnu di Reino ta riba un rumbo ambivalente pa ku e asuntu akí. Pa ilustrá esaki: e Climate Change Convention i e Kyoto Protocol segun nos ta aplikabel riba e parti oropeo so di Reino Hulandes.^[4] E Montreal Protocol ta aplikabel riba henter Reino Hulandes.^[5] E “Convention on Biological Diversity” tambe ta aplikabel riba henter e Reino, ounke pa nos gran sorpresa no a menshoná nada di e responsabilidat di Isla den e relato hulandes mas resien tokante esaki.^[6] Bo por indiká di kon algun trato di medio ambiente i klima ta aplikabel pa e parti oropeo di Reino Hulandes so? Si ta asina, di kon? Esaki tin keber ku Isla? Si ta asina, di kon?

Gustosamente nos ta warda bo kontestanan riba e preguntanan akí.

Nos ta dispuesto pa duna mas aklarashon.

Atentamente,

Drs. J.A. Linthorst (miembro di direktiva di SMOC)

Drs. P. van Leeuwen (presidente di SMOC)

^[1] Mira por ehèmpel: http://www.reuters.com/article/2014/10/17/venezuela-crude-imports-idUSL2N0SC1N320141017 (Bishitá, 25 di òktober 2014) i ‘Import ruwe olie vanuit Rusland als test in smeerolieproductie’ den Amigoe (22 di òktober 2014).

^[2] SMOC ta komprondé masha bon ku ta resientemente bo a bira minister i ku e karta akí dirigí na Parlamento ta un karta di bo antesesor.

^[3] E ponensia akí ta basá riba resultadonan di midimentu anual pa loke ta trata CO₂/capita hasi pa US Department of Energy.

^[4] Mira http://maindb.unfccc.int/public/country.pl?country=NL (Konsultá 25 di òktober 2014). Fiha ku e Climate Change Convention i e Kyoto Protocol ta aplikabel prinsipalmente riba gas dañino pa medio ambiente, manera CO₂.

^[5] Mira http://ozone.unep.org/new_site/en/treaty_ratification_status.php (Konsultá 25 di òktober 2014).

^[6] Mira http://www.stichtingsmoc.nl/2014/08/smoc-sends-letter-to-un/ (Bishitá 25 di òktober 2014).