Di libertat te kaptividat

Stichting Schoon Milieu Op Curaçao (SMOC) a skirbi diferente biaha tokante di refineria Isla na Kòrsou i su bentahanan durante e Di Dos Guera Mundial. Ta Isla a suminstrá masha hopi kombustibel na aliadonan. Ken ta para ketu na esaki durante selebrashon di 200 aña Reino Hulandes? Ken ta para ketu na esaki dia 4 di mei? Nos ta spera ku ta mashá hopi hende mes. Sigur awor ku djasabrá pasá prinsesa Beatrix a inougurá e eksposishon Guera na Kòrsou, kaminda e papel di Isla durante e Di Dos Guera Mundial ta sali eksplísitamente dilanti. SMOC ta apresiá e kousa akí. Pero e mesun Isla lástimamente tin su banda marga tambe. Den transkurso di tur esten Isla a kambia di un regalo (DDGM) pa eksperensiá balor di libertat te un doló (2015) di spesialmente e hendenan bibá bou di huma si Isla. Aña tras di aña e molester ta krese pa motibu di e emishon shushi di e refineria akí. P’esei anualmente tin míles di hende ku tin mester di kuido médiko, segun un raport di EcoRYS na 2005. Pa kolmo kada aña tin sikiera 18 persona ku ta fayesé prematuradamente: den e parti akí di Reino Hulandes ta violá na un manera mahos e derecho di hende riba bida i un medio ambiente limpi. Ta mas ku normal ku e hendenan ke sali for di bou di huma kaminda nan ta eksperenshá molester segun enkuesta di GGD i CBS. Pero esaki di mes ta enserá gastunan mas haltu pa biba i ta nèt esaki e hendenan no por permití i ta p’esei soshalmente i ekonómikamente mirá nan ta bai será den e huma di Isla sin ku niun gobièrnu no ta wòri pa nan. Dia 4 di mei SMOC sí ta para ketu na esaki. Abo tambe?

Señor Peter van Leeuwen

Señor Arjan Linthorst

Reacties zijn gesloten