Na:
Su ekselensha señora J. Hennis-Plasschaert
Postbus 20701
2500 ES Den Haag
Cc: Su ekselensha Dr. B. Whiteman (Minister di Salubridat, Medio Ambiente & Naturalesa), M. Franco (Presidente di Parlamento di Curaçao), Komishon Fiho di relashonnan di Reino (Tweede Kamer der Staten-Generaal), Komishon Fiho di Defensa (Tweede Kamer der Staten-Generaal), Su ekselensha Dr. R. Plasterk (Minister di Asuntunan Interior i Relashonnan den Reino) i señora A. Snels (AFMP)
Fecha: 3 augustus 2015
Konserniente: Refineria Isla (for di awor, Isla)
Distinguido señora Hennis-Plasschaert,
Gustosamente SMOC ke reakshoná riba bo karta 29 juni 2015 na Parlamento di Staten-Generaal. Den bo karta bo ta informá Parlamento tokante midimentu ku GGD ta bai hasi, pa determiná si sierto supstansha ta keda bou di direktiva internashonalmente vigente.
Na promé lugá SMOC ta apresiá mashá ku bo ta boga pa mas midimentu di airu relashoná ku e emishon kontaminá di Isla. pasobra midi ke men sabi. Tòg SMOC ke mustra bo riba resultado públiká den e asuntu akí. Na 2005, por ehèmpel, EcoRYS a kalkulá ku pa aña tin mas ku 17 morto prematuro kousá pa e huma di Isla i ku míles di hende tin ku hasi un apelashon na kuido médiko.[1] Esaki komo konsekuensha di e emishon kontaminante di Isla i e aktuashon inhustu relashoná ku esaki di Isla. Nos no por komprondé ku te dia di awe gobièrnu nunka no a pone òrdu enkuanto Isla.[2]
Mientrastantu e molèster di Isla ta oumentando fuertemente, manera por konstatá for di midimentunan validá di kalidat di airu hasí pa gobièrnu di Curaçao mes, bou di ouspisio di Servisio pa kuido Médiko i Salú Públiko na Amsterdam) pa loke ta trata dióksido di suafel (SO2), ku ta representá gráfikamente aki bou a base di promedionan pa aña.[3] E norma di 20 µg/m3 ku RIVM ta usa, infortunadamente ta blikia bou di huma di Isla: den e kaso akí Curaçao ta strukturalmente riba e norma akí.[4]
EcoRYS a basa su resultadonan prinsipalmente pa dióksido di suafel i supstansha fini. Den realidat tin, manera bo por detektá, hopi mas supstansha ku Isla ta emití.[5] Pues lo tin mas ku 18 morto prematuro pa aña pa lamentá, sigur ora nos ta tene kuenta ku efektonan sinergétiko di supstansha tóksiko bou di huma. Algun ehèmpel di e supstanshan tóksiko akí ta:
| Supstansha | Balor midí bou di huma | Norma[6] | Faktor di surpaso |
| PAK’s[7] | 103-179 (ng/m3) | 1 ng/m3
(legalmente) |
± 141 |
| Benzeen | 25,7 (µg/m3)[8] | 5 (µg/m3)
(legalmente) |
5,1 |
| Tolueen | 110,0 (µg/m3)[9] | 3 (µg/m3) (balor aspirá) | 36,7 |
SMOC ta di akuerdo ku ta bai midi strukturalmente mas i mas, pasobra esaki lo kondusí indudablemente na mas informashon komprometedor pa Isla. SMOC ta kurioso pa sa ki konsekuensia esaki lo tin pa bo na nivel di polítika i nos ta ansioso pa risibí bo reakshon konkreto pa esaki.
Disuesto pa duna mas informashon.
Atentamente,
Drs. J.A. Linthorst (miembro di direktiva di SMOC)
Drs. P. van Leeuwen (presidente di SMOC)
[1] http://www.stichtingsmoc.nl/2011/01/onderzoek-telt-dubbel-en-dwars-ecorys-nei-2005/
[2] http://www.stichtingsmoc.nl/2010/01/eindvonnis-civiele-procedure/
[3] Wak http://www.stichtingsmoc.nl/2014/09/so2-uitstoot-van-de-isla-rijst-de-pan-uit/.
[4] F.M.W. de Jong en P.J.C.M. Janssen, Road-map normstelling: Luchtnormen geordend (RIVM 2010).
[5] Wak http://www.stichtingsmoc.nl/2011/01/onderzoek-telt-tno-2007/.
[6] F.M.W. de Jong en P.J.C.M. Janssen, Road-map normstelling: Luchtnormen geordend (RIVM 2010).
[7] http://www.stichtingsmoc.nl/2014/09/wereldrecord-van-isla-concentratie-paks-extreem-hoog/
[8] GGD Amsterdam, yüni 2015.
[9] GGD Amsterdam, yüni 2015.
