E notisia a hala atenshon: ta bai inspektá e instalashonnan di Isla i BOO, pasobra riba tereno di Isla tin prosesonan ku ta kousa molèster i daño na medioambiente i salú. Berdat? Berdat ku ta bai tin un inspekshon imparsial i ophetivo? Nos ta ansioso pa mira e rapòrt, ku pronto tin ku keda publiká, i ku lo tin ku sali na papiamentu tambe. Sinembargo e realidat tristu ta ku ya kaba tin permit di molèster, a base di kua Gobièrnu por a obligá Isla pa uza kombustibel mas limpi. Bèrdat ku e permit di molèster no ta kontené tur eksigensianan internashonal ku mester. Pero hecho ta, ku si Gobiernu a apliká e eksigensianan (suak manera nan ta) esei lo a baha e molèster di un manera dramátiko. For di 2001 SMOC ta mustra riba e nesesidat pa redusí e polushon. A enfatisá e nesesidat ku gráfikonan ku ta indiká kuantu dióksido di suafel (SO2) tin den e aire. Tanten Gobiernu ta hasi komo si fuera e no sa di nada. Na oktober 2016 tambe nos a publiká un gráfiko. Un kos hopi remarkabel pa loke ta trata oktober 2016: tin un par di fecha riba kua pa Beth Chaim no tin nada di polushon registrá. Kon por ta? Nos ta sospechá ku simplememte no a midi riba e fechanan ei. Anto parse ku no ta interesá Gobiernu, ku nunka a eksiguí Isla kumpli ku lei, nèt- nèt nada. Lamentablemente e molèster tabata enorme atrobe! E promé resultado di midimentu na por ehempel Beth Chaim i Kas Chikitu tabata hopi bia mas haltu ku e normanan di WHO pa dióksido di suafel (SO2)-(averahe pa 10 minüt= 500 μg/m3; averahe pa 24 ora = 20 μg/m3). WHO ta bisa di SO2:
,,SO2 is a colourless gas with a sharp odour. It is produced from the burning of fossil fuels (coal and oil) and the smelting of mineral ores that contain sulfur. The main anthropogenic source of SO2 is the burning of sulfur-containing fossil fuels for domestic heating, power generation and motor vehicles….SO2 can affect the respiratory system and the functions of the lungs, and causes irritation of the eyes. Inflammation of the respiratory tract causes coughing, mucus secretion, aggravation of asthma and chronic bronchitis and makes people more prone to infections of the respiratory tract. Hospital admissions for cardiac disease and mortality increase on days with higher SO2 levels. When SO2 combines with water, it forms sulfuric acid; this is the main component of acid rain which is a cause of deforestation.”
E situashon manera deskribí ta peka kontra e Deklarashon Universal di Derechonan Humano (art. 25) i e Tratado Internashonal tokante derechonan di mucha (art. 24 i 29). Mas abou tin e resultadonan di e midimentunan i potret di webcam, 14 oktober 2016.
