Ta buska: kombustibel mas limpi pa Isla… Kuantu polítiko ta lanta para?

Mester pone un fin inmediatamente na e polushon inhumano bou di huma di Isla ku BOO, sin pone seramentu di Isla nesesario (nunka SMOC a pidi pa sera Isla). Kon? Por mengua emishon di Isla ku BOO awe mes ku 50%, i por kore kompletamente ku e pèchèpèchè bèrdè ora ta kambia pa kombustibel mas limpi (ku ta optenibel normalmente riba merkado). E instalashonnan di refineria por hèndel esaki fásilmente. Kiko lo ta e imágen ekonómiko di esaki? Isla lo tin ku paga anualmente 25 mion di USD pa esaki. Ta chipichipi, pasobra aktualmente Isla ta gasta mas o ménos 150 mion USD pa aña na gastu di energia. Por skohe pa laga PdVSA paga e gastunan ei, òf usa e lease di 20 mion di USD pa aña ku Isla ta paga RdK, plùs e 37.5 mion di USD ‘take or pay’ ku Isla ta paga CRU (RdK 100% doño), pues totalmente 57.5 mion di USD. Resultado: rèspèt pa derecho humano ta krese, molèster pa medioambiente ku salubridat ta baha inkluso kuido médiko di Pais Kòrsou (gastu pa salubridat ta 13.8% di Produkto Interior Bruto, ku ta apsurdamente haltu). Ta mas ku klaro ku un redukshon di e emishon shushou ta promové turismo tambe – e hotèlnan lo apresiá esaki. Esta un bon komienso di e koalishon nobo. Isla ku BOO por sigui funshoná normalmente i bo ta gana tempu pa pensa bon kiko nos ke den futuro, ku òf sin chines. Nos mes por, basta polítiko ta asumí nan reponsabilidat.

mother-and-child-schone-brandstof-2016

Reacties zijn gesloten