SMOC ta boga, pa vários aña kaba, ku mester hasi mas tantu midimentu. Pa vários aña SMOC ta boga pa gobièrnu tin ku mantené lei pa pèrkurá ku emishon for di tereno di Isla ta baha te proporshonnan normal, mas humano. Ta p’esei SMOC ta pro-aktivo, kompará ku gobièrnu di Kòrsou, pa publiká tur midimentu di airu. Mayoria di biaha esaki ta konta pa midimentu hasí na Beth Chaim. Aki e nivel di materia venenoso hopi biaha ta haltu. Mas haltu ku na Kas Chikitu. Luna pasá e emishon di TSP, un tipo di materia fini, tabata apsurdamente haltu na altura di Beth Chaim – aparentemente atrobe Isla no tabata kontrolá. Ma tin biaha bientu ta bira suta Kas Chikitu, ku siman pasá tabata pèstá di materia fini ora ‘operations na tereno di Isla no ta bon kontrolá’. Aparentemente esei a sosodé, mirando e promé midimentunan di siman pasá (29 di mart) kaminda siudadanonan a yama SMOC regularmente pa keha di molèster di salubridat. A midi na Kas Chikitu materia fini manera PM10. Resultado: nivelnan apsurdamente haltu di masoménos 800 μg/m3 (mira e grafik akibou), ku ta surpasá e norma di WHO fuertemente, pasobra WHO ta preskribí: 

,, PM10

20 μg/m3 annual mean

50 μg/m3 24-hour mean

………

“WHO Air Quality Guidelines” estimate that reducing annual average particulate matter (PM10) concentrations from levels of 70 μg/m3, common in many developing cities, to the WHO guideline level of 20 μg/m3, could reduce air pollution-related deaths by around 15%. However, even in the European Union, where PM concentrations in many cities do comply with Guideline levels, it is estimated that average life expectancy is 8.6 months lower than it would otherwise be, due to PM exposures from human sources.’’

Kua polítiko ta para ketu na esaki?