Kòrsou, 23 di yanüari 2018,
Urgentemente
Konserniente: Oudit tékniko Isla chokante: “Denter di poko tempu mortonan lo kai aki”
Estimado Minister Presidente Rhuggenaath, estimada Minister Römer,
Nos a haña e relato di e oudit tékniko di Isla pa E&D (Texas) via di Internet, i nos ekspertonan a studi’é. E investigashon, ku nos ta agregá komo anekso na e karta akí, ta bon hinká den otro, yen di detaye.
Nos a haña sa for di artíkulo den medio di komunikashon, ku bo ta na altura di e oudit akí ya for di luna di novèmber 2017, pero nos ta puntra nos mes si bo ta konsiente di e konklushonnan chokante den e relato i ken a konsehá bo den esaki.
E relato no ta mustra solamente riba e práktika kondenabel di ‘run to failure’, sino prinsipalmente e tantísimo peligernan agudo presente kousá pa e inspekshonnan hasí, òf mihó bisá, nunka hasí di e instalashonnan riba e tereno di Isla. Kaminda a drecha algun defekto, a hasi esaki estilo di ‘patching’. Na un pais manera Bélgika tal ‘drechamentu’ a kondusí na un eksploshon kaminda dos obrero a rementá na wèrki!
E konklushonnan chokante di e oudit akí ta nèt kontrali na loke pa añanan largu kaba Jaime de Sola, èks miembro di MDPT, i señor Gilbert Wawoe ta bisa ku Isla ta un refineria ‘state of the art’. Alegashonnan ku e intenshon pa suavisá òf ridikulisá e atvertensianan pa e situashonnan peligroso riba e tereno ei, ku entre otro SMOC a yega di deskribí vários biaha kaba.
Algun sita saká for di e oudit di E&D:
“While no major catastrophic incidents have occurred recently in the Isla Refinery, its performance and reliability /availability has been probably adversely affected by combination of variable crude supply and some inspection and maintenance practices, which do not always correspond to practices of similar refineries E&D specialists are familiar with and/or with RAGAGEP (recognized and generally accepted good engineering practices)”.
“So far it can be concluded that in recent years the refinery has been relatively fortunate in avoiding major incident”.
Ta un konklushon so por saka despues di a lesa e oudit akí:
E situashon di hopi instalashon riba e tereno di Isla ta den tal estado ku no ta responsabel pa laga e obreronan, ni habitantenan den serkania, keda traha òf biba einan si e maneho no ta kambia nada. Si e maneho no ta kambia, esaki ta enserá ku Pais Kòrsou ku e enkargadonan ta para responsabel pa e konsekuensianan di kalamidat, fuera di e responsabilidat moral pa e obrerornan, habitantenan i bishitantenan.
Nos ta di akuerdo ku e unionnan APRI ku PWFC ku awor sí ‘5 sekonde promé ku 12 or’ a bati. Nos ta spera, sinembargo, ku bo ta na tempu ainda pa sera Isla i solushoná, si ta posibel, e fayonan serio, manera e oudit ku urgensia grandi ta sugerí, ku e suplemento di un komentario tékniko.
Den pasado SMOC ya a proponé i sugerí pa rekurí na Deelen, e baké ku ta asistí SMOC, kaminda nos a presentá i splika su perisia. Su reakshon riba e oudit akí ta: “Inmensamente triste ora bo ta les’é. Nan ta eksplotá e instalashonnan ketu bai, te ora esakinan ta kibra (‘run to failure’), kuminsá lèk òf rementá. Denter di poko tempu lo tin morto akinan.” Señor Deelen ta dispuesto di asistí bo na plaso korto den e situashon sumamente krítiko akí, i e por konta riba sosten di un inspektor ku mas ku 30 aña di eksperensia na DCMR.
Nos ta supliká bo urgentemente pa para e refineria mas pronto posibel pa asina investigá e posibel solushonnan i implementá esakinan.
Na nòmber di direktiva di SMOC,
Drs Peter van Leeuwen
Presidente di SMOC
FB smoc curacao
