Curaçao Times: “Viktimanan di polushon Isla por tin speransa nobo”

Willemstad,– Varios estudio a ser publiká relashoná ku Refineria Isla i e violashonan di derechonan humano debi na e polushon ku ta asotá e habitantenan pabou di brug. E dokumento titulá “Reino den violashon ku e konvenshon oropeo di e derechonan humano  relashoná ku Refineria Isla Kòrsou”, elaborá pa Jojanneke Snijders di e universidat di Amsterdam, ta hasi referensia eksplisitamente na e leinan internashonal i e portofolio di Reino. E estudio ta konklui ku “komo konsekuensia di e kresiente importansia di e tratadonan internashonal, manera e konvenshon di derechonan humano i e akuerdo di Paris, i e posibilidat ku ta surgi un ‘claim’ nobo, e struktura aktual di responsabilidatnan no ta sostenibel mas. Si Reino disidi di no asumi ningun responsabilidat i no desea di interpretá loke tin stipulá, den e lus di su obligashonnan internashonal , e ora ei lo mester evaluá seriamente e kartera ei. Si esaki resultá di no ta posibel, pues lo mester konsiderá pa hasi kambionnan den e kondishonnan ku a ser firmá, bou di kual ta kai e konvenshon oropeo tokante di derechonan humano. No opstante, den ousensia di e kambionan aki, lo mester opta pa tuma e seguridat di derechonan humano i e derechonan fundamental den Reino muchu mas na serio, ya komo ku e ta karga ku un responsabilidat internashonal. Den e kaso di Isla, den kual e viktimanan a intentá sin eksito pa reklamá nan derechonan durante mas ku 12 aña, esaki pues lo ta un bon kaminda pa kuminsá.

Lesa mas aki: http://curacaotimes.com/pa/viktimanan-di-polushon-isla-por-tin-speransa-nobo/.

Reacties zijn gesloten