Categoriale archieven: Papiaments

GGD Amsterdam: No a respetá pèrmit medioambiental na 2017 for di tereno di Isla

A tarda poko, pero finalmente a publiká e relato ku resultado di midimentu di kalidat di airu na Kòrsou 2017, ku GGD di Amsterdam a ehekutá den “Meetresultaten Luchtkwaliteit Curaçao 2017”. Anualmente e organisashon investigadó akí ta saka tal relato, riba enkargo di ministerio di Salubridat, Medioambiente i Naturalesa. E optimistanan entre nos lo por a pensa ku no a violá niun norma di pèrmit medioambiental na 2017, debí na e echo ku e normanan akí ta muchu fofo i … Lees meer

Man na obra pa sekretario di estado Knops: preguntanan parlamentario di GroenLinks

E estudio resien di Snijders (Vrije Universiteit na Amsterdam) a surti efekto polítiko: preguntanan parlamentario di Nevin Özütok (GroenLinks). Özütok tin tur tipo di komprondementu ku ya pa vários aña ta laga e habitantenan bou di huma di refineria Isla na kaya, pasobra gobièrnu di Curaçao nunka no a mantené Isla na lei. Ni maske, resientemente, hues a konstatá ku Isla ‘a aktua ilegalmente’, surpasando e normanan medioambiental, ku pa kolmo ta muchu fofo. Ta di lamentá. Gobièrnu di Curaçao … Lees meer

Curaçao Times: “Viktimanan di polushon Isla por tin speransa nobo”

Willemstad,– Varios estudio a ser publiká relashoná ku Refineria Isla i e violashonan di derechonan humano debi na e polushon ku ta asotá e habitantenan pabou di brug. E dokumento titulá “Reino den violashon ku e konvenshon oropeo di e derechonan humano  relashoná ku Refineria Isla Kòrsou”, elaborá pa Jojanneke Snijders di e universidat di Amsterdam, ta hasi referensia eksplisitamente na e leinan internashonal i e portofolio di Reino. E estudio ta konklui ku “komo konsekuensia di e kresiente importansia … Lees meer

Komunikado di prensa: Nos ta eksperensiá airu limpi pa promé biaha

Miéntras ku PdvSA i e kompanianan anónimo di gobièrnu tin benout, habitante bibá pabou di refineria porfin por hala rosea normal atrobe. Tempu ta turbulento ku e beslag di masoménos 2 miar di dòler ku ConocoPhilips a pone riba PdVSA. Vários korant a relatá esaki. Èxtra por ehèmpel a konstatá: “Interes general ta mas grandi ku di ConocoPhilips” i Antilliaans Dagblad: “PdVSA su ousensia ta bria”. Ku un bista ekonómiko, PdVSA, pues, ta parse un partner inkonfiabel pa Pais Kòrsou, … Lees meer

Komunikado di prensa di SMOC: 75 mion florin di Isla no ta destiná pa boluntario di SMOC

Mirando notisia di e último dianan, ta komosifuera fundashon SMOC ta eksigí 75 mion florin di Isla i ta peligrá futuro di Isla. E notisianan akí ta leu for di bèrdat. SMOC ta informá loke ta e kaso eksaktamente. SMOC TA UN DI E 26 DEMANDANTENAN DI 75 MION FLORIN E kaso di 75 mion florin ta un kaso di e demandante prinsipal Stichting Humanitaire Zorg i demandantenan sekundario: SMOC i 24 habitante (4 ta hulandes europeo, 20 ta yu … Lees meer

Pa Presidente Rhuggenaath, di SMOC: Oudit tékniko Isla chokante

Kòrsou, 23 di yanüari 2018, Urgentemente Konserniente: Oudit tékniko Isla chokante: “Denter di poko tempu mortonan lo kai aki” Estimado Minister Presidente Rhuggenaath, estimada Minister Römer, Nos a haña e relato di e oudit tékniko di Isla pa E&D (Texas) via di Internet, i nos ekspertonan a studi’é. E investigashon, ku nos ta agregá komo anekso na e karta akí, ta bon hinká den otro, yen di detaye. Nos a haña sa for di artíkulo den medio di komunikashon, ku … Lees meer

ES&T: “Kalidat di spèrma di hòmber yu di Kòrsou bibá pabou di Isla ta malu?”

SMOC a indiká diferente biaha kaba ku e konsentrashon di dióksido di suafel (SO2) pabou di e tereno di Isla ta pertenesé na tòp di mundu; esta den sentido negativo. Ta konosí ku hopi habitante ta lucha ku nan salubridat. World Health Organisation (WHO) ta remarká tokante esaki:   ,,SO2 can affect the respiratory system and the functions of the lungs, and causes irritation of the eyes. Inflammation of the respiratory tract causes coughing, mucus secretion, aggravation of asthma and chronic bronchitis … Lees meer

International Energy Agency: Emsihon di CO2 per capita apsurdo na Kòrsou

E emishon di CO2 kousá pa kimamentu di kombustibel fósil ta bai kompaña di entre otro subida di nivel di laman i asidashon di oséano. Pa motibu di esaki isla chikí, asina yamá “small island development states (SIDS)”, lo wòrdu inunandá i ref di koral lo muri a la largu, miéntras ku hopi hende ta dependé di e refnan akí pa kuminda (piská) i entrada. No ta pa nada ku resientemente International Energy Agency (IEA) a publiká “Key World Energy … Lees meer

Kalidat di airu: duna bèrdat stul pa sinta

Ta masha fásil pa laga málkomprondementu kana rònt den mundu. Esaki a sosodé siman pasá, ora Antilliaans Dagblad a publiká un artíkulo ku e kabes engañoso “Kalidat di airu ta kumpli ku norma”. Nos di SMOC ta mustra ku e midimentunan, referí na dje den e artíkulo konserní, no a tuma lugá rondó di refineria, sino ta konta pa un midimentu so tumá na Julianadorp serka di Vespuccicollege, un lokashon ku ta keda nèt pafó di e límite di e … Lees meer

Revista pa derecho konstitushonal: empeño selektivo di garantia

Masha hopi biaha kaba SMOC a mustra riba garantia (òf funshon di garantia) manera ofisialmente esaki ta konta pa reino hulandes. Den Statüt di Reino esaki ta ankrá den Artíkulo 43, Insiso 2, tradusí:  1.        Kada pais di reino ta pèrkurá pa realisá derecho i libertat humano fundamental, seguridat hurídiko i solides di maneho. 2.       Garantisamentu di e derechonan, libertatnan, seguridatnan hurídiko i solides di maneho akí ta asuntu di Reino. Lenga kla. Na komienso di aña 2016, Parlamento hulandes … Lees meer