Tag Archives: Korsou

Man na obra pa sekretario di estado Knops: preguntanan parlamentario di GroenLinks

E estudio resien di Snijders (Vrije Universiteit na Amsterdam) a surti efekto polítiko: preguntanan parlamentario di Nevin Özütok (GroenLinks). Özütok tin tur tipo di komprondementu ku ya pa vários aña ta laga e habitantenan bou di huma di refineria Isla na kaya, pasobra gobièrnu di Curaçao nunka no a mantené Isla na lei. Ni maske, resientemente, hues a konstatá ku Isla ‘a aktua ilegalmente’, surpasando e normanan medioambiental, ku pa kolmo ta muchu fofo. Ta di lamentá. Gobièrnu di Curaçao … Lees meer

Komunikado di prensa: Nos ta eksperensiá airu limpi pa promé biaha

Miéntras ku PdvSA i e kompanianan anónimo di gobièrnu tin benout, habitante bibá pabou di refineria porfin por hala rosea normal atrobe. Tempu ta turbulento ku e beslag di masoménos 2 miar di dòler ku ConocoPhilips a pone riba PdVSA. Vários korant a relatá esaki. Èxtra por ehèmpel a konstatá: “Interes general ta mas grandi ku di ConocoPhilips” i Antilliaans Dagblad: “PdVSA su ousensia ta bria”. Ku un bista ekonómiko, PdVSA, pues, ta parse un partner inkonfiabel pa Pais Kòrsou, … Lees meer

Komunikado di prensa di SMOC: 75 mion florin di Isla no ta destiná pa boluntario di SMOC

Mirando notisia di e último dianan, ta komosifuera fundashon SMOC ta eksigí 75 mion florin di Isla i ta peligrá futuro di Isla. E notisianan akí ta leu for di bèrdat. SMOC ta informá loke ta e kaso eksaktamente. SMOC TA UN DI E 26 DEMANDANTENAN DI 75 MION FLORIN E kaso di 75 mion florin ta un kaso di e demandante prinsipal Stichting Humanitaire Zorg i demandantenan sekundario: SMOC i 24 habitante (4 ta hulandes europeo, 20 ta yu … Lees meer

ES&T: “Kalidat di spèrma di hòmber yu di Kòrsou bibá pabou di Isla ta malu?”

SMOC a indiká diferente biaha kaba ku e konsentrashon di dióksido di suafel (SO2) pabou di e tereno di Isla ta pertenesé na tòp di mundu; esta den sentido negativo. Ta konosí ku hopi habitante ta lucha ku nan salubridat. World Health Organisation (WHO) ta remarká tokante esaki:   ,,SO2 can affect the respiratory system and the functions of the lungs, and causes irritation of the eyes. Inflammation of the respiratory tract causes coughing, mucus secretion, aggravation of asthma and chronic bronchitis … Lees meer

Kalidat di airu: duna bèrdat stul pa sinta

Ta masha fásil pa laga málkomprondementu kana rònt den mundu. Esaki a sosodé siman pasá, ora Antilliaans Dagblad a publiká un artíkulo ku e kabes engañoso “Kalidat di airu ta kumpli ku norma”. Nos di SMOC ta mustra ku e midimentunan, referí na dje den e artíkulo konserní, no a tuma lugá rondó di refineria, sino ta konta pa un midimentu so tumá na Julianadorp serka di Vespuccicollege, un lokashon ku ta keda nèt pafó di e límite di e … Lees meer

Revista pa derecho konstitushonal: empeño selektivo di garantia

Masha hopi biaha kaba SMOC a mustra riba garantia (òf funshon di garantia) manera ofisialmente esaki ta konta pa reino hulandes. Den Statüt di Reino esaki ta ankrá den Artíkulo 43, Insiso 2, tradusí:  1.        Kada pais di reino ta pèrkurá pa realisá derecho i libertat humano fundamental, seguridat hurídiko i solides di maneho. 2.       Garantisamentu di e derechonan, libertatnan, seguridatnan hurídiko i solides di maneho akí ta asuntu di Reino. Lenga kla. Na komienso di aña 2016, Parlamento hulandes … Lees meer

Ougùstùs 2017: emishon di dióksido di suafel ta apsurdo

E emishon di dióksido di suafel (SO2) di luna pasá tabata apsurdo atrobe. E habitantenan bou di huma ta blo demostrá ku nan a harta kaba. P’esei SMOC a risibí un avalancha di yamada di persona prekupá. E prekupashon akí di hende bou di huma ta hustu, asina e promé midimentunan ta mustra. Na altura di Beth Chaim anto Kas Chikitu a surpasá e normanan di World Health Organization (WHO) pa ku SO2 masha hopi biaha (promedio pa 10 minút = … Lees meer

Kandela na Isla: Parlamento (D66) ta zundra ku interpelashon

Esaki no a pasa niun hende forbei: e kimamentu na Isla dia 21 di mei último. Korant na Hulanda i na Kòrsou i tambe medionan internashonal a dediká ampliamente atenshon na e sigaria kanseroso di mas grandi na Reino Hulandes: refineria Isla. Anto pa kolmo resientemente gobièrnu di Kòrsou a deklará, entre otro den Antilliaans Dagblad, ku Isla no ta tene su mes na e lisensia di medioambiente. Pa SMOC esaki no tabata niun sorpresa ètòl, ni tampoko e kandela … Lees meer

SMOC ta haña oido? Palabra bashí òf energia polítiko tokante ISLA

Aki poko dia tin elekshon. Vários tópiko ta importante, ma refineria Isla sigur ta un di nan. Tin hende ta bisa ku e tereno di ISLA ta kurason di Kòrsou. Ta bèrdat. Ekonómikamente por ehèmpel, pero e kurason no ta bati meskos ku laga nos bisa sesenta aña pasá. Pa ilustrá esaki: empleo a baha, segun Refineria di Kòrsou, di 12.631 obrero na 1952, ku un sierto kantidat di poblashon, na masoménos mil trahadó awor, ku un poblashon hopi mas … Lees meer

Kas Chikitu: emishon apsurdo di karsinogen

SMOC ta boga, pa vários aña kaba, ku mester hasi mas tantu midimentu. Pa vários aña SMOC ta boga pa gobièrnu tin ku mantené lei pa pèrkurá ku emishon for di tereno di Isla ta baha te proporshonnan normal, mas humano. Ta p’esei SMOC ta pro-aktivo, kompará ku gobièrnu di Kòrsou, pa publiká tur midimentu di airu. Mayoria di biaha esaki ta konta pa midimentu hasí na Beth Chaim. Aki e nivel di materia venenoso hopi biaha ta haltu. Mas … Lees meer