Tag Archives: Korsou

RESUMEN DI DATO: HISTORIA DI REFINERIA ISLA (FEBRUARI 2016)

1E GUERA MUNDIAL:     Operashon di Isla ta kuminsá, ku Shell komo doño. 2 NDOUERA MUNDIAL:   Isla ta entregá masha hopi kombustibel pa avion na Aliadonan, entre nan Hulanda 1954:                                    Statüt di Reino Hulandes ta bin na vigor. Den Statüt tin poné ku Gobièrnu di Reino ta para garantia pa derechinan fundamental i bon gobernashon. 1976:                                    Elgershuizen i De Kruijf, “Toxicity of crude oils and dispersant to the stony coral Madracis mirabilis”, Marine Pollution Bulletin, 7 (2), pp. 22-25,1976. Despues ta sigui … Lees meer

Komunikado di prensa di SMOC: Potrèt di emishon ISLA ku BOO bièrnèsantu 2016

Apresiado redakshon,   Por usa e potrèt athunto ku SMOC a saka djabièrnè 25 di mart 2016. E potrèt ta mustra e plumanan di chemené ku ta sali for di skorsten di Isla ku BOO (CRU), yen di PAKnan ku ta kousa kanser, metal pisá manera Vanadio ku Nikel (pèchèpèchè bèrdè) i dióksido di suafel. Diariamente 20.000 habitante ta hala rosea ku esaki aden.   Gobièrnu no ta hasi nètnèt nada. Ni kumpli ku e promesa, hasí na hues, ku … Lees meer

“TWEEDE KAMER” HULANDES TA KONKLUÍ KU ISLA- PDVSA TA TRAPA DERECHINAN HUMANO I KU GOBIERNU DI KORSOU TA PRAKTIKA MAL GOBERNASHON

16 februari 2016 – Despues di un kantidat di moshon den “Tweede Kamer” awe a yega por fin na e konklushon ku polítikamente por konstatá ku aña aden afó a falta ku derechinan humano di e hendenan ku ta biba den e huma di Isla. Esei ta e posishon di mayoria di “Tweede Kamer”. No ta nada straño ku e Buro Sentral di Estadístika di Korsou (CBS) a reportá na 2011 ku 83.1 % di habitantenan di Wishi/ Marchena a … Lees meer

Remetido (9 di febrüari 2016): Kòrsou tambe lo bini ku un moshon pa mantené Isla na lei?

No tin niun tiki duda. Shell a laga hopi shushedat atras na Kòrsou, ku e lago di asfalt, mei mei di añanan 80. Un mal kaso i p’esei SMOC (Fundashon Medioambiente Limpi na Kòrsou) a pone e kaso akí hopi biaha kaba bou di atenshon di Parlamento hulandes. Segun promé minister Whiteman Parlamento hulandes, ku ta hopi preokupá debí na mal maneho i violashon di derecho humano pa loke ta trata Isla, no ke tende niun keho tokante Shell, pero … Lees meer

Extra: ‘…Segun SMOC… TE AINDA TIN HENDE TA KERE KU ISLA TA NIFIKA HOPI PA KORSOU …Esei ta leu for di bèrdat… ‘

WILLEMSTAD. – Te ainda tin hende ta kere ku isla ta nifiká hopi pa Kòrsou, esei ta leu for di bèrdat, SMOC ta opiná. GGD di Kòrsou a reportá den 2007 ku famianan ku ta biba den huma di Isla lo ke muda pa bai biba otro kaminda. Den 2011 CBS a reportá ku 83.1% di hendenan di Wishi/ Marchena tin molèster di e huma di Isla. Lesa mas aki.

Extra: ‘…Investigashon realisá pa “Air Quality Index”… AIRE PARTI PABOU ESUN DI MAS MALU …Konseho ta pa no sali for di kas…’

WILLEMSTAD. – Den un relato amplio ku SMOC a presentá ku nan konklushonnan i solushon gubernamental nan ta mustra riba e resultadonan verifiká di GGD Amsterdam, pa Pernis sifranan di DCMR. Sigun “Air Quality Index” (AQI), biba den e huma di Isla ta hopi peligroso, e ta kualifiká e kalidat di aire komo esun di mas malu i ta konsehá habitantenan pa no sali for di nan kas. Lesa mas aki.

Nota di SMOC: Oudiensia di “Tweede Kamer der Staten- Generaal”: Bini ku un solushon gubernamental awor!

Resúmen: Konklushonnan i solushon gubernamental sigun punto di bista di SMOC. Durante promé guera mundial Shell a kuminsá un refineria na Korsou. Asina Isla a kuminsá. Durante di dos guera mundial Isla a entrega hopi kombustibel na aliadonan. Hulanda a probechá inmensamente di esei i (inkonsientemente?) ta rekordá esei dia 4 mei. No opstante vários rapòrt i manifestashon públiko relashoná ku molèster pa medioambiente i salú públiko Shell a operá e refineria te 1985 sin ningun klase di pèrmit ambiental.[1] … Lees meer

Programa di midimentu ekstenso ta kuminsá na 2016, segun minister Hennis den un karta pa SMOC – 22 desèmber 2015

Zomer pasá Minister Hennis a risibí un karta di SMOC. Awe, kasi mitar aña despues, porfin SMOC a haña kontesta. Aparentemente di bèrdè na kuminsamentu di aña 2016, ta bai kuminsá ku un programa di midimentu ekstenso di algun aña, kaminda banda di detektá nivel di e sospechoso usual dióksido di suafel, ta bai midi vários otro materia venenoso. Pero riba e pregunta di SMOC kua medida di mando ta bai tuma pa terminá tur miseria riba tereno di medioambiente … Lees meer

PIGOU, GOBIÈRNU DI KÒSOU I E VEREDIKTO DI HUES

Na 1920 Pigou a publiká The Economics of Welfare, su buki di pionero. Akiden e ta pleita pa balansa entre ganashi privá ku efekto sekundario negativo manera kontaminashon di medioambiente i e gastunan ku ta relashoná ku esaki di e pagadó di belasten pa kuido médiko nashonal. Hopi pais a saka inspirashon di Pigou i a bini ku pèrmit di medioambiente, prinsipalmente den añanan 60 d siglo pasá, pa protehé próhimo i naturalesa. Kòrsou a sigui na 1997. Basta ratu … Lees meer

COP21 alerta!: Parti Karibense di Reino Hulandes den e tòp 5 ku mas emishon di CO2 pa kabes di poblashon!

Kimamentu di kombustibel fòsil ta kondusí na emishon di CO2 ku na su turno ta kousa ku laman ta subi tera i bira zür. Ku tempu esei ta kousa inundashon di áreanan di kosta i destrukshon di refnan di koral. Partikularmente islanan chikí ta kore rísiko di sufri enormemente di e konsekuensianan, siendo ku nan no tin forsa  ekonómiko pa remediá e problema, a ménos ku nan haña  yudansa di paisnan mas pudiente. (Esaki ta e problemátika “small island development … Lees meer