Kaso den korte ta revelá: Isla no sa nada di puiru di catcracker .

WILLEMSTAD –  Eksplotadó di refineria di petroli na Kòrsou, e multinashonal benesolano PdVSA ta bisa di no tabata sa  ku riba di a di Asunshon puiru di catcracker a skapa sali for di nan instalashonnan. Wereldomroep ta publika ku esei a sali djamars na kla den un kaso den korte entre e movementu di medio ambiente SMOC i Isla. Djaweps pasá a bolbe sali  komo konsekuensia di un insidente deskonosí i tambe un kantidat deskonosí di puiru katalisadó, dor di kua parti di e bario Juliandorp a bin resultá bou di un kapa di puiru blanku – ku posiblemente ta kousa kanser. 

No tin informashon
Habitantenan di e bario te hasta la fecha no a haña informashon ni dor di gobièrnu ni tampoko dor di PdVSA tokante e tipo i embergadura di e deskargo. Tambe minister di Salubridat, Jacinta Constancia a bisa anteriormente, ku e no a ser poné na altura dor di Isla. Manera ta aparentá aktualmente, Isla a deskubrí e lèkmentu despues ku habitantenan di Julianadorp a keha. 

No a surpasá
E eksigensia di SMOC den e kaso ku ta den tratamentu aktualmente,  ta pa obligá gobièrnu di Kòrsou pa mantené e pèrmit di molèster. Tantu Bestuurscollege anterior komo e aktual gobièrnu di Kòrsou ta para riba e punto di bista ku e refineria Isla no ta surpasá e normanan. Un detaye ku ta remarkabel durante e huisio tabata e defensa di PdvSA, ku e ta pèrdiendo ganashinan enorme dor di e mal funshonamentu di e sentral di BOO. Wes Boerlage riba esei kier a sa, si refineria tin plan pa laga refiná petroli otro kaminda, mirando e pèrdida enorme di entrada. E abogadonan di Isla no por a kontestá e pregunta akí.

Fuente: La Prensa

Reacties zijn gesloten