Awor ta na Rutte pa eliminá kaptividat sosial ekonómiko di e yu di Kòrsou bou di huma di Isla

Resientemente gabinete Rutte a instalá e Komishon Nashonal 200 aña di Reino, pasobra denter di poko Reino Hulandes ta eksistí 200 aña. Un reino ku no ta enserá Hulanda so. Nò. Sino un reino ku tambe konosé teritorio ultramarino. Parsialmente danki na e teritorionan akí Hulanda oropeo awendia tin su libertat.

Idealnan manera libertat i hustisia tin hopi balor, anto hulandesnan ta tuma esaki komo algu normal. Pero esaki no ta konta pa tur kaminda, tampoko denter di Reino Hulandes. Pa ta spesífiko e no ta konta pa habitante di Kòrsou ku ta biba bou di huma di Isla, e refineria ku dékada tras di dékada ta susha medio ambiente mas i mas. Durabilidat no ta eksistí den su glosario. Mi ta laga tur detaye di siensia natural un banda, ta basta ku mi menshoná algun prefiho importante. Pa aña ta yora sikiera 18 morto pa motibu di emishon di 50 mion kilo di dióksido di suafel i supstansha fini (mas ku tur refineria na Hulanda huntu), manera por lesa den relatonan di Ecorys-NEI di 2005. Lógikamente ta muchu mas ku esaki pasobra no ta midi emishon di hopi otro materia shushou. Ademas míles di hende ta keha pa loke ta trata nan salú. Lamentablemente mayoria di biaha ta e mes hendenan. Na Kòrsou bientu di pasat ta reina, ke men e bientu ta supla den mesun direkshon i ta plama kantidat enorme di materia venenoso ku ta kousa kanser den e mesun barionan, dia tras di dia. Ta e poblashon di klase soshal abou. E habitantenan akí (hopi biaha ku tiki skol so) ta biba masha bou di nivel di pobresa. Nan ke move sí, segun un enkuesta di GGD di 2007, pero ku kua sèn awor? Bon mirá gobièrnu a kue nan prezu di un manera sosial ekonómiko, ta stroba nan libertat

Refineria no ta aster pèrmit di molèster. Na promé instansha ta gobièrnu di Kòrsou ta responsabel pa mantenshon di mando. Ta asina korte di hustisia di Islanan Abou i Islariba a disidí. Gobièrnu di Kòrsou sinembargo ta ninga pa mantené i asta ta nenga ku refineria Isla ta aktua ilegal. P’esei nunka a but refineria. Korte sí tin otro opinion: Isla ta aktua ilegalmente, asina korte a huzga. Hurídikamente esaki ta algu bon, pero den práktika esaki no ta solushoná nada ainda, pasobra Isla ta sigui kometé su delitunan ku ta kousa strukturalmente morto di hende. Pero Statüt di Reino Hulandes ta laga espasio pa speransa, pasobra na di dos instansha gobièrnu di reino ta responsabel. Segun artíkulo 43 di Statüt gobièrnu di reino, a base di funshon di garantia, mester intervení ora tin kuestion di maneho defisiente. Tambe ora ta violá derecho humano i otro libertatnan.

Anto ta nèt esaki ta pasando na Kòrsou, ta mi siertitut (mira por ehèmpel artíkulo 24 di e deklarashon di derecho di mucha). Mi no ta para mi so, den e pensamentu akí. Promé minister Rutte ta pensa meskos. Na aña 2007 el a bisa den e matutino Spits ku e gobièrnu di reino di e tempu ei mester a intervení ‘si ta nodi ku un instrukshon di mando’. Na 2008, komo presidente di frakshon di VVD el a hasi pregunta na sekretario di estado di e tempu ei, Bijleveld. Huntu ku parlamentarionan di Groen Links, SP, PvdA i CDA Rutte a mustra riba e maneho indebí di mandatarionan di Kòrsou pa loke ta trata refineria Isla. Ta mas ku kla. Promé minister Rutte tin ku karga su responsabilidat a base di Statüt di Reino Hulandes. Ma tin mas moral.

Bien bèrdè por bisa ku Adolf Hitler a stroba libertat di Hulandesnan oropeo na un manera pisá. Danki Dios tabatin aliadonan. Nan a lucha pa nos libertat, na tera, riba laman i den aire. Demanda pa kerosin tabata masha grandi e tempu ei, òf sitando promé minister Gerbrandy ku a bisa na Radio Oranje: “Nos ta bai gana e guera akí riba olanan di zeta i kargonan di bouksit.” Ta e palabranan históriko akí ta desvelá e importansha ekonómiko i militar di Kòrsou den e Segundo Guera Mundial. Refineria Isla, e tempu ei den man di SHELL, huntu ku refineria di Aruba, a suministrá mas ku mitar dje kerosin pa e aliadonan, segun Liesbeth van der Horst den su buki Wereldoorlog in de West: Suriname, de Nederlandse Antillen en Aruba 1940 – 1945. Hopi Yu di Kòrsou e tempu ei a traha duru pa libertat sosial ekonómiko di e hulandes oropeo. Awóraki ta toka na promé minister Rutte pa eliminá kaptividat sosial ekonómiko di e kurasoleñonan bou di huma di Isla.

Sí, manera mi di: e mesun refineria ku a trese Hulanda oropeo asina tantu: libertat.