Den Antilliaans Dagblad di dia 10 di aprel 2012 a sali un artíkulo tokante derecho humano na Kòrsou anto si gobièrnu ta antisipá riba esaki. Tambe mi ta saka for di e artíkulo akí ku Defensor Nashonal di Pueblo (Nationale Ombudsman) ku esun di Kòrsou ta bai traha huntu. Esaki ta mustra riba un inisiativa positivo, pero tin mas moveshon na Kòrsou. Ku muchu gustu mi ta bai menshoná algun ehèmpel, sin pretendé di ta kompleto.
Dia 15 di novèmber 2011 profèsòr Schrijver (di PvdA) a tene su diskurso inougural den Eerste Kamer tokante e proposishon di lei “Oprichting van het College voor de rechten van de mens” [Lantamentu di Konseho pa derecho humano] pa Reino Hulandes: Den esaki Kòrsou ta para prominentemente riba mapa. Koinsidensia? Apsolutamente!
Aktualmente Fondo Internashonal di Nashonnan Uní pa Yuda Mucha (Unicef) ta laga investigá kon ta pará ku derecho di mucha den partinan karibense di Reino Hulandes. Por konsiderá Unicef komo un órgano outorisá. Pronto lo bini resultado di e investigashon. For di 2012 posibilidat pa mucha pa sali na defensa di nan derechi a krese – derecho humano fundamental di pursi. Pasobra awor mucha mes por entregá keho serka UN Committee on the Rights of the Child si ta violá nan derechi. Mi no ta bai menshoná aworakí tur derechi di mucha, pero unu sí: mucha tin derechi riba airu limpi. Asina Deklarashon Tokante Derechi di Mucha ta preskribí. Riba e punto akí gobièrnu di Kòrsou tin un problema pues, pasobra gobièrnu tin ku mantené Isla, pero e ta laga di hasi esaki. Mientrastantu muchanan di skol ta víktima i aki un, dos luna nan tin ku hasi èksamen den holó shushi di Isla. SMOC a mustra hues vários biaha riba e echo akí den su defensanan. Kon hues di derecho atministrativo lo antisipá riba esaki? E ta bai warda un sentensia yen di despresio di Unicef tokante di derecho humano?

Drs. Arjan Linthorst (miembro di direktiva di SMOC)