Medianan di komunikashon a informá pueblo ampliamente tokante esaki, pero awor sí minister di Defensa di Hulanda ke realisá resultado di midimentu di kalidat di airu bou di huma di Isla. Asina por dedusí for di e karta ku minister Hennis Plasschaert a manda Parlamento, kaminda e ta skirbi ku e ke haña sa ‘si e konsentrashonnan di un kantidat di e supstanshanan ta keda bou di e balornan máksimo internashonalmente vigente.’ Esaki ta bon notisia pa pueblo di Kòrsou. Pa motibu di salubridat públiko i medio ambiente kumpli ku e emishon máksimo segun e balornan moderno pa sierto stòf venenoso (por ehèmpel PAK ku benzeen). Laga nos spera ku esaki ta un paso adelante di derecho humano pa airu limpi.

Lesa aki e karta di minister di Defensa Hennis Plasschaert: BriefvanMinDefensie29juni2015.