Yüli 2015: emishon dióksido di suafel ku materia fini ‘SKY HIGH’

Pasa un dushi fakansi na Kòrsou. Ta bon pa e turista (i tambe pa ekonomia di Kòrsou). Esta, si bo no ta keda bou di huma di Isla. Gobièrnu hulandes i esun di Kòrsou no tin kunes, pero desenionan largu e miseria di maneho pa medio ambiente akí ta kontaminá. SMOC sí ta wòri i ku gustu ta informá siudadano ku turista.

E emishon di dióksido di suafel (SO2) ku materia fini (TSP ku PM10 (materia fini te ku 10 μm) di luna pasá tabata ‘sky high’atrobe. E habitantenan bou di huma ta blo demostrá ku nan a harta kaba. P’esei SMOC a risibí un avalancha di yamada di persona prekupá. E prekupashon akí di hende bou di huma ta hustu, asina e promé midimentunan ta mustra. Na altura di Beth Chaim ku Kas Chikitu a surpasá e normanan di World Health Organization (WHO) pa ku SO2 masha hopi biaha (promedio pa 10 minút = 500 μg/m3; promedio pa 24 ora = 20 μg/m3). Remarkabel ta e emishon di TSP (Total Suspended Matter) ku ta prekupá SMOC, partikularmente pa e grandinan entre nos. E emishon di TSP, segun e promé midimentunan, tabata fuerte. WHO ta duna dos balor di límite pa materia fini (PM10). E direktiva pa e promedio i 24 ora ta 50 μg/m3. A sali na kla ku ku a surpasa e direktiva akí diferente biaha durante luna pasá banda di Kas Chikitu (mira akibou). E promedio pa aña ta 20 μg/m3. Si Isla ta sigui su tendensia di luna pasá, e lo kibra e direktiva akí tambe. Mira e diagramanan akibou si bo ke konstatá bèrdat.

KasChikitujuli2015fijnstoftot10micrometer

BethChaimKasChikitujuli2015

BethChaimTSPjuli2015

Reacties zijn gesloten