RESUMEN DI DATO: HISTORIA DI REFINERIA ISLA (FEBRUARI 2016)

1E GUERA MUNDIAL:     Operashon di Isla ta kuminsá, ku Shell komo doño.

2 NDOUERA MUNDIAL:   Isla ta entregá masha hopi kombustibel pa avion na Aliadonan, entre nan Hulanda

1954:                                    Statüt di Reino Hulandes ta bin na vigor. Den Statüt tin poné ku Gobièrnu di Reino ta para garantia pa derechinan fundamental i bon gobernashon.

1976:                                    Elgershuizen i De Kruijf, “Toxicity of crude oils and dispersant to the stony coral Madracis mirabilis”, Marine Pollution Bulletin, 7 (2), pp. 22-25,1976. Despues ta sigui diferente publikashon, por ehèmpel Marine Pollution Bulletin tokante sushamentu di awa den besindario dor di  Refineria. Lesa tambe por ehèmpel Nagelkerken en Debrot, Marine Pollution Bulletin, 30 (9), pp. 592-598, 1995. Òf den 2007 e rapòrt di TNO: http://www.stichtingsmoc.nl/2011/01/onderzoek-telt-tno-2007/.

1979:                                    Diferente rapòrt di Dr. Kroon tokante relashon entre polushon di aire i salú públiko. E rapòrtnan ta indiká ku Isla ta hasi daño na salú públiko.

1915-1985:                          SHELL ta doño di Isla

SHELL nunka tabatin pèrmit di molèster miéntras ku tabatin vários protesta di parti di komunidat.

1985:                                     SHELL ta bende Isla na Gobièrnu di Kòrsou pa 1 Florin!

Shell a haña indemnisashon di posibel daño i perhuisio pa motibu di polushon di aire, suela i laman, pero ta laga atras un lago di asfalt grandi: un komportashon kompletamente for di òrdu.

Empleo dirèkt/ indirekto: 3400

1985:                                    PDVSA ta kuminsá hir Isla for di Gobièrnu di Kòrsou (Na aña 2016 : USD 20 mion dòler pa aña)

Miéntras tantu a prolongá e kontrakt di hir te 2019, sin kambia kondishonnan.

PDVSA: Ta liber di paga impuesto (entre otro, di ganashi, di importashon, di tera, di benta). Pago di daño i perhuisio na siudadanonan pa motibu di polushon ta bai pa gran parti pa kuenta di Gobièrnu  di Kòrsou.

Kòrsou: mantenshon di kantidat di kupo di trabou i entrada di divisa, miéntras ku e aporte na Produkto Interno Bruto ta sigui baha ketu bai.

1994:                                    PDVSA ta primintí di mehorá Isla (IRUP)

(Mehoransa di márgen i di produkshon)

Plan pa protekshon di medioambiente 1996- 1997: te na aña 2016 ainda no a kaba di  ehekutá

1995:                                    Kombenio entre Reino Hulandes i Venezuela tokante plan di kontingensia di petroli. Probablemente e kombenio ei tabata vigente kaba den e temporada ku Shell tabata operá Isla.

1996 (29 òktober):          ‘Tweede Kamer’ ta aprobá moshon di Rosenmöller (GroenLinks) i Middelkoop (ChristenUnie) tokante lago di asfalt na Kòrsou: mester tene Shell responsabel. ‘Tweede Kamer’ ta hasi yamada na Gobièrnu di Kòrsou i Gobièrnu di Hulanda pa logra responsabilisashon.

1996:                                    Karta di minister di Salú i Medioambiente Antia Hulandes, sra. Doran- Scoop, na Bestuurscollege di Kòrsou; Isla ta un refineria mal mantené.

1997:                                    Pèrmit di molèster pa Isla

(PDVSA a pone preshon pa pone kondishonnan hopi suave)

E pèrmit ta menshoná: ‘4 morto pa aña/ i míles di kaso di malesa’ ta permití

‘Ahustá pèrmit sigun tempu ta eksigí’, ‘revisá pèrmit kada 5 aña’: nunka a revisá pèrmit!

2003:                                    Sentral apart di energia BOO ta bira operashonal

E pèrmit di Isla mes nunka a keda adaptá

2004:                                     Miembro di ‘Tweede Kamer’  Van Raak (SP) ta pidi medida di gobièrnu i medida finansiero na Kòrsou pa motibu di Isla.

2008:                                    Raport di Prof. dr. mr. Herman Bröring (RUG), ‘Schurende Rechtsordes’. Wak e programa di televishon di Zembla.

2008:                                    Kapital a bin disponibel via SEI:  Palabrashon entre Hulanda i Kòrsou

Realisá: aparato pa midi kalidat di aire i resultadonan ta bai riba wèpsait (2010)

No a kumpli ku: Traha vishon ku/ i sin Isla, no a tuma medida kontra sushamentu, no a midi kalidat di awa i tera kada tres luna, no a fortifiká Servisio Ambiental, na a konstruí sistema pa sistemátikamente informá siudadanonan.

2008:                                    Pregunta di miembronan di ‘Tweede Kamer’ di entre otro GroenLinks, Rutte (VVD) i PvdA, den kua ta mustra riba mal gobernashon i trapamentu di derechinan humano na Kòrsou, pa motibu di e falta di kontrol i supervishon riba Isla a base di lei di medio ambiente.

2010:                                    Kòrsou pais outónomo den Reino

2011:                                    Servisio Ambiental di Gobièrnu di Kòrsou no ta funshoná, sigun Price Waterhouse & Coopers (na 2015 Kontrolaria General ta saka mesun konklushon)

2012:                                    Parlamento di Kòrsou ta tene oudiensia: Diferente grupo di interes huntu ku SMOC ta duna gobernantenan/ miembronan di Parlamento splikashon amplio tokante e miseria ku Isla ta kousa.

2013:                                    Sigun Transparency International su investigashon: Gobièrnu di Kòrsou no ta garantisá derechi di siudadanonan (National Integrity System Assessment: Curaçao 2013).

2013:                                    Moshon di ‘Eerste Kamer’: Hulanda ta dispuesto pa yuda gobernashon di Kòrsou pa logra ku Isla ta kumpli ku reglanan di medioambiente, basta ku Kòrsou pidi e yudansa ei.

2015:                                    ‘Tweede Kamer’ den moshon: Hulanda ta rekonosé su komplisidat pa loke ta trata e problemátika di Isla i e ròl di Shell den esei.

2016 (yanüari):                  ‘Tweede Kamer’ ta tene oudiensia: GreenTown, Prof. Bröring i algun hende ku tabata biba bou di huma di Isla, i SMOC ta hasi yamada na Gobièrnu di Reino pa tuma medida gubernamental, pa motibu di trapamentu di derechi humano i mal gobernashon, mirando ku Gobièrnu di Reino tambe a aportá na e situashon ku Kòrsou a hañ’e den dje den relashon ku Isla.

2016 (febrüari)                 ‘Tweede Kamer’ ta tuma diferente moshon den konekshon ku Isla: ta konstatá ku ta falta ku derechinan humano i ku tin mal gobernashon i ta bolbe ofresé yudansa gubernamental

2016 (awe):                       Empleo dirèkt/ indirekto: 1200-1300

Figuurhoorzitting

Servisio pa Medioambiente no ta funshoná, Inspekshon di Medioambiente no ta funshoná

Sushamentu di medioambiente a oumentá drástikamente

Emishon di dióksido di suafel na Pernis: 14 mcg/m³, CURAÇAO: 100-1000 mcg/m³

Stòf fini: PERNIS: 20-30 mcg/m³ CURAÇAO: > 100 mcg/m³

Riba dianan ku skolnan ta sera pa motibu di molèster e Dióksido di Suafel i stòf fini no ta eksageradamente haltu. Ke men e molèster ta keda kousá pa elementonan ku no ta midi.

Investigashonnan/ rapòrtnan mas importante

1979                      Investigashon di salú, DR KROON

1994                    Mishon pa orientá DCMR/GGD MILIEUVERVUILING

1999                    Investigashon di salú, VD TORN

2001                    Investigashon TEBODIN/TAUW MILIEUVERVUILING

2004                    Mishon pa kompilá dato, DCMR MILIEUVERVUILING

2005                    Orientashon stratégiko: tékniko (PERVIN&GERTZ) i ekonómiko (ECORYS-NEI)

2007                    Rapòrt TNO RAPPORT Koperashon Investigashon Medioambiente

2007                    Enkuesta di GGD Kòrsou bou di abitantenan bou di huma

2008-2010           Hopi rapòrt di STAB i diferente kaso den Korte

2010                    Investigashon ECORYS Tomo 1

2012                    Investigashon ECORYS Tomo 2

2012                    ‘PLAN VAN AANPAK’ Gabinete SCHOTTE

PLAN sumamente superfisial, sin niun splikashon ta skohe pa renobá refineria. Te ainda ta buska invershonista pa e 3 miar dòler ku e plan ta eksigí.

KONKLUSHON:

v  Daño serio na salú i medio ambiente kousá dor di emishon di Isla

v  18 Morto prematuro, i míles di kaso di malesa

v  Daño na salu na balor di desena di mion di florin pa aña

v   Mantenshon atrasá, insufisiente invershon pa motibu di mal maneho

v  Gatu di invershon pa por kumpli ku eksigensianan di pèrmit; desena di mion di florin

v  Gastu pa renobá refineria pa kumpli ku eksigensianan internashonal: algun miar di dòler

v  A pone un kantidat di konseho, pa kua a paga, un banda, sin uza nan. Konsehonan pa traha sistemanan di informashon i komunikashon

Fundashon SMOC (SCHOON MILIEU OP CURAÇAO)

BESTUUR: APOTHEKER, HUISARTS EN CHEMICUS (tur ta traha komo voluntario)

2001                SMOC a lanta i a purba dialogá ku Isla i Gobièrnu

Meta: redusí e sushamentu di medioambiente ku Isla ta kousa

2005                Despues ku diálogo ku Gobièrnu i Isla no a frakasá, proseso LAR di SMOC kontra Gobièrnu di Kòrsou ku eksigensia pa Gobièrnu eksigí kumplimentu di Isla ku e kondishonnan den e pèrmit di molèster, kondishonnan ku ta hopi ménos kompará ku reglanan internashonal

2006                Kaso sivil di SMOC, SHZC, i abitantenan kontra Isla.

2010                Sentensia di hues den kaso sivil: but di 75 mion florin pa Isla, si Isla surpasá parti di averahe anual di dióksido di suafel (di e eksigensia debil)

2012               Sentensia den kaso LAR; Korte di apelashon ta destruí un sentensia bon di 2011 (Prof. L. Rogier ta kritiká e último desishon aki hopi fuerte)

2013                SMOC ta keha Hulanda na    Korte Europeo pa Derechinan Humano pa trapamentu di derechinan humano

 

 

 

Reacties zijn gesloten