Sentensia di hues tambe por keda studiá den tur detaye. Abogadonan i akadémikonan tin kustumber di analisá sentensia di hues, pa asina ei amplia nan konosementu riba aplikashon di lei. Tambe sa sosedé ku ta analisá i kritiká un sentensia di hues i publiká e resultado.

Bal la pena, den e konteksto ei, pa lesa un artíkulo hopi resien i hopi interesante den revista “Caribisch Juristenblad” (aña 2016) di  Prof.mr. Rogier (Erasmus Universiteit na Rotterdam i Universidat di Kòrsou) i mr. Frielink (abogado establesí na Kòrsou). Nan dos a studia e sentensia di Hues mr. Schendel, fechá 16 novèmber 2016, den e kaso di diferente siudadano, CAE i SMOC kontra Gobièrnu di Kòrsou. Nos ta rekomendá bo mes lesa e artíkulo. Loke ta resaltá den e resultado di análisis di señornan Rogier i Frielink ta ku hues Schendel ningun momento so a tuma den konsiderashon e derechinan humano fundamental. E siudadanonan, CAE i SMOC ku a hiba Gobièrnu dilanti a mustra hues ku hopi énfasis riba e derechinan ei. Hues no a rel ni trel! Rogier i Frielink a skirbi:

,,Remarkabel ta ku e sentensia no ta hasi kaso mes di e derechinan fundamental di e siudadanonan. Hues Schendel no ta ni menshoná E Tratado Europeo pa Derechinan Humano, no opstante e echo ku e demandantenan i indiká hurisprudensia spesífiko i a supstansiá di ki manera e komportashon di Gobièrnu ta falta ku e derechinan.”

En bèrdat, e sentensia di hues Schendel ta pone bo keda grawatá kabes: a kaso siudadanonan ku ta biba pariba òf pabou di Isla/ BOO no tin mes derechi? Lo bo a deseá ku nan tin mes derechi, pero lamentablemente no ta asina! Último desena di aña abitantenan di Wishi, Marchena Buena Vista i besindario no por a gosa di trato igual.

Lesa e artikulo kompleto aki.