Senado hulandes a aseptá un moshon, dia 18 di yüni 2013, kaminda a pidi minister Plasterk pa ofresé Kòrsou yudansa pa mantené Isla riba nivel di maneho, ora Kòrsou lo pidi p’e. E petishon ei no a kristalisá.

Dia 13 di òktober aña pasá Parlamento hulandes a aseptá un moshon kaminda a rekonosé ku Hulanda, pa motibu di Shell, ta kokulpabel na e historia miserabel di problema ku medioambiente pa loke ta trata Isla (ku ya ta dura desenionan tras di otro). Tambe a pidi Plasterk pa aktua mas aktivo ku e mantenshon di maneho pa loke ta trata Isla. Pero Plasterk no tabata ke.

Dia 16 di febrüari 2016 Parlamento di Hulanda a tuma un moshon kaminda a konstatá mal maneho di Isla i violashon struktural di derecho humano kousá pa polítikanan pa loke ta trata Isla. Tambe a apelá ku Plasterkmester a sòru turtur pa baha e emishon shushou denter di tres luna. Opviamente esaki no a sosodé, manera SMOC a mustra públiko resientemente. Korantnan Extra, Antilliaans Dagblad ku Amigoe tambe a publiká esaki últimamente.

Dia 23 di mei 2016 Parlamento hulandes a disidí ku Plasterk mester saka un karta pa duna splikashon di ehekushon di e moshon di 16 di febrüari pasá, pa por reuní tokante e karta akí den parlamento riba 26 di mei. Bon mirá e moshon di 16 di febrüari ta e último moshon (mihó bisá ‘paso’) di parlamento pa Konseho di minister di Reino por eksigí pa mantené Isla riba nivel di maneho. Nota bon ku dia 23 di mei 2016 dosenas di siudadano kurasoleño tambe a hsi denunsia serka MP, pa motibu di kontaminashon di medioambiente.

Loke a maraviá nos ta ku minister presidente Whiteman a bisa den Antilliaans Dagblad di dia 24 (!) di mei 2016 ku Isla mester kuminsá refiná mas limpi for di e dia ei pa mengua molèster di e habitantenan. Pa logra esaki e ke aspetá apoyo ku Hulanda ta ofresé dia bieu kaba, manera SMOC a konsehá na 2001 (15 aña pasá) kaba. Di un banda esaki ta zona bon. Di un otro banda sinembargo ta un kasualidat mashá grandi ku netamente e dia ei Whiteman ta buska media pa publisidat di esaki. Ta di bèrdè e ke apoyo riba nivel di maneho pa respetá derecho humano di hende bibá na Wishi, Marchena, etcetera, for di su kurason? Òf e ta purba prevení un instrukshon atministrativo? Futuro lo siña nos.

Pa finalisá, awor ku aire mas limpi di bèrdat ta parse bira posibel, nos ta sugerí pa tira un bista den pasado resien. Pa alkansá hasi esaki SMOC a traha un factsheet.