CBS a publiká un relato siman pasá. De e relato akí ta pone ku míles di hende ta kore riesgo di salubridat pa motibu di e emishon di Isla. Pa SMOC esaki no ta nada nobo, pasobra e emishon di Isla ta masha fuerte. Pulster a konkluí algun aña pasá kaba ku e konsentrashon di PAK-nan (hidrokarburo aromátiko síkliko) ku ta kousa kanser bou di huma di Isla ta apsurdamente haltu, pasobra mundialmente mirá kasi no tin lugá kaminda e ta mas haltu. Esaki tambe ta konta pa e famoso i notorio, venenoso SO2 (dióksido di suafel). World Health Organisation (WHO) ta bisa lo siguiente tokante SO2:

,,SO2 can affect the respiratory system and the functions of the lungs, and causes irritation of the eyes. Inflammation of the respiratory tract causes coughing, mucus secretion, aggravation of asthma and chronic bronchitis and makes people more prone to infections of the respiratory tract. Hospital admissions for cardiac disease and mortality increase on days with higher SO2 levels. When SO2 combines with water, it forms sulfuric acid; this is the main component of acid rain which is a cause of deforestation.”

Ta mas ku kla. SO2 por kousa molèster konsiderabel pa salubridat. Polítikonan ta purba di skapa for di SO2 kurasoleño, pero nan no por nèk e radar dje tim di investigadónan internashonal. Resientemente, nan a publiká nan mapa di mundu den e revista internashonal Atmospheric Chemistry and Physics. Ta di lamentá. Kiko a sali na kla: un pais chikitu, geográfikamente mirá, manera Kòrsou ta grandi den SO2i ta forma un asina yamá hotspot riba e mapa di mundu di SO2. Un honor dudoso.

Ata e artíkulo kompleto akí pa bo mes lesa: “A global catalogue of large SO2 sources and emissions derived from the Ozone Monitoring Instrument”: Atmospheric Chemistry and Physics 2016.