Man na obra pa sekretario di estado Knops: preguntanan parlamentario di GroenLinks

E estudio resien di Snijders (Vrije Universiteit na Amsterdam) a surti efekto polítiko: preguntanan parlamentario di Nevin Özütok (GroenLinks).

Özütok tin tur tipo di komprondementu ku ya pa vários aña ta laga e habitantenan bou di huma di refineria Isla na kaya, pasobra gobièrnu di Curaçao nunka no a mantené Isla na lei. Ni maske, resientemente, hues a konstatá ku Isla ‘a aktua ilegalmente’, surpasando e normanan medioambiental, ku pa kolmo ta muchu fofo. Ta di lamentá. Gobièrnu di Curaçao ta bira kara wak otro banda i mayoria di e polítikonan ta hasi meskos. A bira tempu pa kambio: gobièrnu mester trata siudadano bibá bou di huma desentemente, na un manera òrdènt.

Responsabilidat di Reino Hulandes pa e emishon di refineria Isla 23 di ougùstùs 2018 (rantwoordelijkheid_van_het_Koninkrijk_der_Nederlanden_voor_de_uitstoot_van_de_Isla-raffinaderij_ 23 augustus 2018)

Özütok (GroenLinks) a hasi e siguiente preguntanan pa sekretario di estado di Asuntu Interno i Relashon den Reino tokante e responsabilidat di Reino Hulandes pa e emishon di refineria Isla (mandá aden dia 23 di ougùstùs 2018).

Pregunta 1

Bo konosé e notisia ku un investigashon hurídiko di Vrije Universiteit na Amsterdam a trese dilanti ku por pone Reino Hulndes responsabel pa violashon di derecho humano na Kòrsou, kousá pa emishon di refineria Isla?

I bo konosé e resultado di e enkuesta di salubridat nashonal na Kòrsou di aña 2017, ku ta proba ku emishon di refineria Isla a keda subi for di aña 2013, ku siudadano di Kòrsou, prinsipalmente esunnan na un posishon sosialekonómiko vulnerabel, ta eksperensiá komo molèster grave?

Pregunta 2

Kiko bo ta pensa di e ponensia ku Hulanda tin sufisiente base pa intervení den e kaso akí pa mantené e normanan vigente pa medioambiente? Bo ta di akuerdo ku e punto di bista ku te awe e habitantenan no a ripará mashá di un intento serio pa operashonalisá nan derecho riba un ambiente limpi pa biba. Si nò, dikon nò?

Pregunta 3

Bo ta kompartí e konklushon di e investigashon ku Reino mester tuma un aktitut proaktivo pa loke ta trata refineria Isla, awor ku Kòrsou mes no ke òf no por aktua kontra e emishon ku ta violá derecho humano? Si nò, dikon nò? Si bo ta kompartí esaki sí, kua medida bo ta tuma pa terminá e violashonnan di derecho humano mas pronto posibel, den estrecho kooperashon ku outoridat na Kòrsou, òf den relashon di Reino?

Pregunta 4

Kiko ta e estado aktual pa ku supsistensha di refineria Isla? Bo ta kompartí e pensamentu ku, mirando ku e kontrato di hürmentu vigente lo kaba denter di poko tempu, mester buska alternativa duradero mas pronto posibel, den kua no tin lugá mas pa refineria Isla? Si nò, dikon nò?

Reacties zijn gesloten